fall guy کو scapegoat بھی کہتے ہیں- کیونکہ گائے، بکری سے بڑی ہے، لہذا اس کہانی کے لئے ہم fall guy کو ہی عزّت بخشیں گے- امریکہ نے ویت نام کی جنگ کے بعد یہ سبق سیکھا کہ بڑی جنگ لڑنے سے پہلے fall guy کا انتخاب پہلے سے کر رکھنا چاہیے-
جو بائیڈن ،امریکی Supremacy کا شاید fall guy ثابت ہوا- ٹرمپ کا انتخاب vertex پر ٹکے رھنے کے لئے ہے، لیکن کم اوکھا لگدا اے-
مکینک، ریستورانوں ، فیکٹریوں میں fall guy کو ” چھوٹا” کہتے ہیں- پاکستان کا fall guy عوام ہے- نا ان کو بجلی استعمال کرنی آتی ھے، نہ چینی ، نہ آ ٹا گوندنا، نہ یہ باقاعدگی سے سکول جاتے ہیں اور خواہ مخواہ بیمار ہو جاتے ہیں- جرم کر کے انصاف مانگنے نکل کھڑے ہوتے ہیں- حکومت ان کے لئے اور کیا کرے، ہر کام تو بخوبی کر رھی ھے ، خاص طور پر ایف بی آر ، پاور سیکٹر کا بلنگ والا حصہ
Hierarchy کی ایجاد بھی نظریہ ضرورت تھی تاکہ fall guy ڈھونڈنے میں آسانی رہے-اپنی ناکامی کا الزام دوسروں پر لگانے سے بوجھ ہلکا ہو جاتا ہے- کام خراب کرنے کے بعد سب سے پہلا کام ‘باس’ یہ کرتا ہے کہ کانفرنس بلا لے- اپنے آپ کو پورے قصّے سے الگ کر کے انکوائری شروع کرواتا ہے اور جس بندے کا اس پورے واقع میں بہترین کام ہوتا ہے اسے sack کر دیتے ہیں کیونکہ وہ ساری غلطیوں کا چشم دید گواہ ہوتا ھے-
امریکہ نے دھشت گردی کی جنگ میں پاکستان کو شروع دن سے ساتھ رکھا تاکہ اپنی ناکامیوں کو ساتھ ساتھ ہی کلیئر کرتے جائیں – ساری کوتاہیاں ساتھ ساتھ ہی پاکستان پر ڈال کر میڈیا کو بتاتے رہے کہ ” یہی ھے”- باقی کام امریکی، افغانی اور بھارتی میڈیا خود کر لیتا تھا-
وہ تو ہماری خوش قسمتی کہ ایراق ، شام، لیبیا ہم سے دور تھے-
روس دنیا کا واحد ملک ہے جسے fall guy کی ضرورت نہیں پڑتی- سب کچھ اپنے زور بازو پر کرتے ہیں- یورپ اور ایشیا کے سنگم پر ایسا پڑاؤ ڈالا ہوا ہے کہ کوئی چیز ادھر سے اُدھر بغیر نظروں میں آ جا ہی نہیں سکتی- عالمی جنگیں ، انقلاب، تیل، تجارت، اسلحہ سازی سب کچھ کھیل لیتے ہیں- دنیا کا بہترین ادب روس میں لکھا گیا-
ہماری حکومتیں عین اس وقت جب اقتدار سے رخصت ہو رہے ہوتے ہیں ایک fall guy کا انتخاب کر چھوڑتی ہیں تاکہ اگلا الیکشن آرام سے لڑ سکیں-
بھارت نے اندرونی مسائل پر پردہ داری کے لئے اپنی عوام کو پاکستان کے پیچھے لگا رھا تھا – اب بھارت کو تھوڑا سکون ھے-
دخل اندازی ہمارا قومی کھیل بن چکا ہے- ہم اپنے کام پر کم اور دوسروں کے کام پر زیادہ توجہ دیتے ہیں- اگر پکڑے جائیں تو fall guy ھے ناں-
پاکستان کی کرکٹ ٹیم کی تو سٹریٹجی ہی fall guy کے انتخاب سے شروع ہوتی ہے- میچ شروع ھونے سے پہلے ہی بندہ ڈھونڈ چھوڑتے ہیں- کچھ نہ ملے تو ساری ذمہ داری ٹاس یا پچ پر ڈال دیتے ہیں-
گھر میں تو fall guy آپ کو پتا ہی ہے کہ کون ہوتا ہے- نکاح کی definition ہی fall guy ہے-عورتوں کو روزانہ ملاقاتوں میں خاوند، ہر خرابی کی وجہ اور انتہاء کا نکمّا قرار پاتا ھے –
کسی بھی ادارے میں یونین کا یہی کام ہے کہ fall guy کو پیدا کرنا، اس کا استعفی مانگنا اور معاملے کو نمٹانا- یونین کا سادہ الفاظ میں یہی مطلب ہے کہ ان لوگوں کو کام نہیں آتا، یہ صرف تنخواہ اور مراعات لیں گے-
آئی ٹی ( IT) کی دنیا میں وائرس کو fall guy قرار دے رکھا ہے-ان کافی ذمہ داریاں hackers نے سنبھال لی ہیں-
